Дајот Упамекано од следната сезона ќе ги брани боите на Баерн Минхен

Од следната сезона дресот на баварскиот гигант ќе го носи францускиот дефанзивец Дајот Упамекано, кој го избра Баерн за свој нов клуб.

Во изминатиот период, Салихамиџиќ разговараше со претставниците на 22-годишниот фудбалер. Тој им ги понуди услови, а Упамекано се согласи да потпише за Баерн.

Оваа вест ја донесе вечерва новинарот на „РМЦ Спорт“, Лоик Танзи. Тој тврди дека сè е готово и дека сè наскоро ќе биде официјално потврдено, а истата информација потоа ја донесе и угледниот „Л’Екип“.

Dayot Upamecano a choisi son prochain club. Ce sera le Bayern Munich sauf retournement de situation. Un accord a été trouvé. Le Bayern va payer la clause du joueur à Leipzig #Mercato #RMCLive

— Loïc Tanzi (@Tanziloic) February 12, 2021

Хасан Салихамиџиќ го реши прашањето со стоперите во следните неколку години, а Упамекано важи за еден од најдобрите млади фудбалери во светот.

Тој во моментов игра навистина одлично за „РБ Лајпциг“ и трансферот во Баерн сигурно ќе биде голем чекор напред во неговата кариера.

Баерн ќе плати 40 милиони евра на Лајпциг за овој фудбалер.