Раководството на Реал Мадрид веќе одлучи што ќе прави со Азар

Управата на Реал Мадрид донесе одлука да му даде на Азар уште една сезона за да се докаже во редовите на овој клуб.

Белгиецот има многу проблеми со повредите откако пристигна од Челси и не покажа апсолутно ништо во редовите на кралскиот клуб.

Сепак, Реал не сака така лесно да се откаже од овој фудбалер. Според списанието „АС“, управата на „Кралевите“ ќе го задржи Азар и следната сезона, и ова ќе биде неговата последна шанса да се докаже во клубот.

Доколку не го стори тоа, клубот ќе го продаде две години пред истекот на договорот.

Азар одигра само 35 натпревари за Реал за помалку од две сезони и постигна четири погодоци.