Фудбал
Бартомеу му остави на Лапорта голема замка со бесмислените клаузули во договорите
Жоан Лапорта беше избран за нов претседател на Барселона минатиот месец и многумина очекуваат тој да го врати клубот на старите патеки на славата.
Лапорта се врати во Барселона како претседател по десет години, но пред себе има неверојатно тешка работа само во однос на финансиите и се чини дека нема време да размислува за успехот на тимот.
Барселона е во неверојатен долг од над милијарда евра, и се соочува со голем колапс, освен ако нешто не се промени во наредните месеци.
Лапорта пристигна во клубот за да го извлече од сомнителноста во која се најде во очајното раководство на поранешниот претседател Хосеп Марија Бартомеу. Тој е прогласен за најголем „гробар“ во клубот и се чини дека стори сé за да и наштети на Барселона.
Бартомеу беше лут и разочаран минатото лето кога сите му свртеа грб по очајните резултати, па дури и Лионел Меси тогаш побара да го напушти клубот.
По неколку скандалозни одлуки на крајот на минатата година, тој конечно објави дека си поднесува оставка. Сепак, пред да го напушти клубот, тој и зададе нов огромен удар на Барселона.
Имено, клубот треба да плати дури 70 милиони евра на фудбалерите ова лето како надомест за договорот за намалување на платата минатата година поради пандемијата на коронавирусите.
Сепак, тоа не е сè што му стори Бартомеу на Барселона. Тој ги продолжи договорите со некои од фудбалерите и стави клаузула која ги шокираше сите. Имено, во договорите има клаузули за исплата на бонуси на играчи на крајот од договорот, што е навистина неверојатно.
Покрај тоа, постои клаузула според која платата на скоро сите играчи се зголемува од сезона во сезона, без оглед на тоа каков успех ќе постигнат. Лапорта има неверојатна работа само за да ја спаси Барселона од колапс, а дури подоцна може да размисли за фудбалскиот сегмент и резултатите.
Затоа многумина веруваат дека Лапорта сакал Барселона да игра во Суперлигата бидејќи тоа би било спас за клубот во однос на финансиите. Барса би добила дури 350 милиони евра само од учеството во натпреварувањето, што е сума за која во моментов сонуваат во овој клуб.
