Роналд Куман испрати интересна порака: Не верувајте во сè што слушате

Тренерот на Барселона, Роналд Куман, сè уште не е сигурен дали ќе го води каталонскиот клуб следната сезона.

Првиот состанок со челниците на клубот, наводно поминал многу добро, но синоќа се појавија информации дека Куман завршил во болница поради стрес и вознемиреност.

Сепак, се покажало дека станува збор за рутинска проверка која холандски стручњак ја извршувал на секои три месеци, а тој денес пристигнал дома во Холандија и по пристигнувањето испратил порака.

„Не верувај во сè што слушаш, јас сум здрав и тоа е единственото нешто што е важно во животот“, напиша Куман.

Don’t believe anything you hear. I am healthy, that’s all that matters in life! ?? pic.twitter.com/yTlPxL0sKn

— Ronald Koeman (@RonaldKoeman) May 28, 2021

Холандскиот стручњак сега ја чека одлуката на управата на клубот за неговата судбина, а таа треба да пристигне во следните две недели.