Connect with us

Фудбал

„Потрес“ во Минхен, Левандовски побарал да замине, само еден клуб е опција

Најдобриот фудбалер на Баерн Минхен во последните неколку сезони, Роберт Левандовски побарал да замине од германскиот тим, објави угледниот шпански „АС“. Наводно причината поради која сака да замине е да го облече дресот на Реал Мадрид.

Неговиот договор истекува во јуни 2022 година, Левандовски не планира да го продолжи, а наводно ниту Баерн Минхен нема да нуди огромни суми со цел да го убеди да остане. Па, така Реал Мадрид ќе има можност да го донесе за поволна сума, со оглед на тоа дека му остануваат уште една година од договорот.

-Тој беше многу блиску до Реал во 2014 година, но заврши во Баерн. Контактите останаа, а неговиот менаџер Пини Захави веќе го донесе Давид Алаба од Баерн во Реал и тој е голем адут на Полјакот во овој евентуален бизнис – пишува „АС“.