Наполи и Елмас го израмнија историскиот рекорд, Спалети вели: Тој е исклучително момче

Тимот на Наполи, заедно со македонскиот „дијамант“ Елиф Елмас редат победи сезонава во Серие А. Со триумфот против Торино, стигнаа до осмата победа во низа, од исто толку мечеви, со што го израмнија сопствениот клупски рекорд од сезоната 2017/2018. Сепак, и покрај фантастичниот тогашен старт, не ја освоија шампионската титула, туку на крајот првак беше Јувентус.

8 – Napoli have equalled the best start in their Serie A history: eight wins in the opening eight league games of a season, as in 2017/18 campaign. Advance.#NapoliTorino pic.twitter.com/iKQRb7mrxW

— OptaPaolo ? (@OptaPaolo) October 17, 2021

Запрашан за серијата и она што следува, тренерот на Наполи, Лучиано Спалети изјави дека сега се ќе биде потешко. Сите клубови сега ќе сакаат да ги победат и да им ја прекинат серијата. Но, сепак вели има добри фудбалери во првиот состав, но и на клупата. Го пофали и Елиф Елмас.

Со триумфот Торино им даваме дополнителен мотив на противниците да нè победат. Можеби некои играчи потфрлија на оваа средба, ама добро е што имам квалитетни фудбалери на клупата за резерви. Осимен е силен и голем работник, додека Елмас е исклучително момче кое влегува со голем ентузијазам, поминува километри дури и кога не е потребно. Тоа е одлична работа“– истакна Спалети.