ФОТО: Репрезентативците се собраа, два клучни меча за пласман на СП во Катар

Македонските репрезентативци почнаа да се собираат за двата клучни меча за пласман на СП во Катар следната година. Како што е познато, Адис Јаховиќ и Ердал Ракип поради повреда нема да се стават на располагање на тимот за подготовките и натпреварите на македонската А репрезентација против Ерменија (11. ноември) и Исланд (14. ноември) од квалификациите за Светското првенство 2022. Енур Тотре од Тирана и напаѓачот на Ботев Враца, Доријан Бабунски ќе бидат во националниот тим на местото од повредените Ракип и Јаховиќ.
Денеска во 12:00 часот во хотел „Хилтон“, националниот тим го има првиот собир спроти последните два меча од мундијалските квалификации. Првиот тренинг е денеска од 17:00 часот на тренинг центарот „Петар Милошевски“.