Верувале или не, кога од почеток заедно играат Меси, Мбапе и Нејмар, ПСЖ секогаш губи?!

ПСЖ минатиот викенд го претрпе само третиот пораз сезонава. Во 25. коло од француската Лига 1 беа поразени со 3:1 од Нант, а ова им беше само трет пораз сезонава по поразите од Рен и Манчестер Сити. Сепак, кој е заедничкиот именител на сите три порази? Верувале или не, кога стартери се Меси, Мбапе и Нејмар.

Враќањето на Нејмар како стартер против Нант значеше враќање на „ММН“ во нападот, магично трио кое, и покрај извонредниот талент што го поседува, е одлучувачки фактор кога е одбраната во прашање. Момците на Покетино потклекнаа со 3:1 против во меч во кој уште еднаш беше очигледен недостатокот на дефанзивна посветеност на тројцата напаѓачки играчи на ПСЖ.

Голема жртва на враќањето на Нејмар беше Ди Марија. Аргентинецот минатата недела беше во првиот тим против Реал Мадрид, но во саботата доби можност во 74. минута наместо Нејмар.

Од 28 ноември до 20 февруари, кога се повреди Нејмар, ПСЖ беше непоразен во сите натпреварувања. Досега во 2022 година, парижаните примија едвај два гола, а потоа примија три гола против Нант за само 45 минути.

Големата задача на Покетино пред реваншот на Сантијаго Бернабеу ќе биде да се обиде да ги вклучи Нејмар, Меси и Мбапе во одбранбените мисии за да избегне катастрофи како онаа против Нант.

Да потсетиме, ПСЖ го совлада Реал Мадрид со 1-0 во првиот натпревар од осминафиналето на Лигата на шампионите со голот на Мбапе во судиското обештетување, но нешто ќе мора да се промени за да се зачува таа предност.