По пет години Работнички ја победи Шкендија, Академија Пандев ги „скокна“ тетовци

Поради снегот цело коло кое требаше да биде одиграно викендот, беше одложено, па средбите се одиграа денеска. Во дербито на колото Работнички приреди пријатно изненадување и по пауза од пет години успеа да ја совлада Шкендија со 2:1. Марио Станковски со гол во 22. минута донесе водство од 1-0 за Работнички, три минути подоцна Шкендија изедначи со гол на Шала. Но Рушевиќ во 59. постигна за победа на романтичарите од 2-1.

Лидерот Шкупи не освои три бода, одигра само 0-0 на гостувањето кај Ренова, но и покрај тоа ја зголеми предноста над Шкендија која сега го загуби и второто место.

Резултати, ПМФЛ 22.коло

Ренова – Шкупи 0:0

Академија Пандев – Борец 5:0

Работнички – Шкендија 2:1

Брегалница – Пелистер 2:1

Струга ТЛ – Македонија ЃП 1:3

Тиквеш – Скопје 3:0

ТАБЕЛА: Шкупи 52, Академија Пандев 42, Шкендија 41, Македонија ЃП 39, Брегалница 33, Ренова 32, Работнички 31, Струга 30, Тиквеш 21, Скопје 21, Борец 13, Пелистер 6