Абрамович си најде безбедна земја, 14 авиони на руски олигарси слетале во главниот град, меѓу нив и неговиот

Сопственикот на Челзи, Роман Абрамович, најде земја во која може да остане безгрижно по санкциите што му беа воведени поради руската инвазија на Украина.

Светот воведе санкции за руските олигарси во обид да влијае на рускиот претседател Владимир Путин. Жртва на политиката е и еден од најбогатите и најмоќни Руси, Абрамович и му се воведени санкции, поради што решил веднаш да го продаде Челзи.

Во меѓувреме, тој најде малку мир за себе и во земја во која се чувствува безбедно и безгрижно. Светските медиуми објавија дека 14 приватни авиони во сопственост на руски олигарси слетале во неделата наутро во израелската престолнина Тел Авив. Ова не е случајно, бидејќи Израел е една од земјите што не одлучи да се приклучи на санкциите воведени за олигарсите поврзани со Владимир Путин и руската влада.

Новинарот Амичај Стајн објави дека меѓу авионите бил и авионот на Роман Абрамович. Многу е веројатно дека милијардерот решил да се скрие во Израел.

Сопственикот на Челзи се поврзува со оваа земја. Тој има израелско државјанство, неговите корени се од таа богата и силна земја и поседува три имоти во таа земја, трите во Тел Авив. Покрај тоа, една од неговите луксузни јахти се упатува кон Израел. Сопственикот на „Сините“ поседува две луксузни јахти и двете морале да ја напуштат британската територија и областите каде што важат санкции за него и за другите моќници од Русија.

Доколку Израел не се приклучи на санкциите наметнати за олигарсите, ова би можело да биде совршено место за Абрамович и другите олигарси да чекаат да дојдат подобри времиња.

Инаку, Роман минатата недела поднесе оставка од функцијата сопственик на Челзи, а со оглед на силните санкции во Британија ќе мора што поскоро и под одредени услови да го продаде клубот.

Сите сметки беа замрзнати за Челзи, а Роман Абрамович преку ноќ се најде во незавидна позиција, без разлика на економската моќ.