Фудбал
Лука Модриќ на 36 години е вистински уметник, најдобар доказ за тоа е моментот по неверојатниот меч со Челзи
Лука Модриќ на 36 години е се, само не стар за фудбал. Хрватот брилјираше во реваншот против ПСЖ, а заедно со Карим Бензема беше најзаслужен за елиминацијата на фаворизираните парижани во осминафиналето од Лигата на шампионите. Следната пречка беше Челзи. Во првиот меч довецот Бензема – Модриќ ја донесе победата од 1:3, а во реваншот „Сините“ поведоа со 0:3 и ги фрлија „Кралевите“ на колена.
Потоа на сцена стапи Модриќ, кој го програ Родриго 1:3 со неверојатно додавање кое Рио Фердинанд го нарече „незаконско“ и враќањето на Реал Мадрид во игра, по што по продолженијата обезбедија и пласман во четвртфиналето.
Perfect assist doesn't exist ❤️🔥#ChampionsLeague @lukamodric10 pic.twitter.com/xXNxyGOSQC
— JERSEY INSIDE (@jerseyinside_) April 12, 2022
Натпреварот беше проследен со огромни пофалби за хрватскиот играч за врска. На теренот на стадионот „Сантијаго Бернабеу“ се случи момент кој најдобро ја покажува големината на Модриќ.
Имено, на теренот Модриќ го чекаше легендарниот Алесандро Дел Пјеро, кој сакаше да се поздрави со одличниот играч за врска на Реал.
Модриќ и Дел Пјеро си разменија неколку зборови, а Италијанецот го опиша Хрватот со еден збор: „Уметник“.
Инаку, по новата класика на Лигата на шампионите, УЕФА го прогласи Лука Модриќ за најдобар играч на натпреварот.
