Агентот најави голем трансфер на Левандовски

Пини Захави, кој припаѓа на групата најмоќни менаџери на светот, навестил во разговор за спортскиот весник „Билд“ дека неговиот напаѓач Роберт Левандовски би можел да ја промени околината.

Не е тајна дека многу европски гиганти одамна сакаат да го донесат овој брилијантен полски напаѓач, претежно Реал, а приказните за трансферот може да ги конкретизираат зборовите на агентот Захави. Според она што го открил, Левандовски ги запознал лидерите на Баерн со желба да се обиде во друга средина.

“Роберт чувствува дека му треба промена и нов предизвик во кариерата. Лидерите на Баерн се запознаени со тоа”, изјави Захава за „Билд“, додавајќи:

“Парите не му се мотивација, тој не сака да биде член на овој тим, ниту на одредени клуб, бидејќи скоро сите клубови сакаат да ги имаат најдобрите напаѓачи на светот во своите редови”, рече израелскиот агент.

Иако Карл-Хајнц Румениге неодамна им кажал на навивачите дека не треба да бидат загрижени, бидејки Левандовски останува, се чини дека полскиот напаѓач е поблизу до напуштањето на Алијанц Арена во овој момент.

Оваа сезона, Левандовски играше 48 натпревари во сите натпреварувања во кои постигна 41 гол и пет асистенции, а неговата пазарна вредност во моментов се проценува на околу 90 милиони евра.