Александар-Арнолд повеќе би сакал да игра за Барселона отколку за Реал Мадрид

Трент Александар-Арнолд ја воодушеви фудбалската јавност со своите игри во дресот на Ливерпул.

Многумина веруваат дека Александар-Арнолд во моментов е еден од најдобрите десни бркови на светот, а тоа го докажа многу пати со својата игра за „Редсите“. Тој поникна во клуб од „Енфилд“ и не ја крие желба да ја заврши кариерата во овој клуб.

Но, веќе некое време се шпекулира дека Реал Мадрид ќе се обиде да го доведе овој играч во своите редови во текот на летото, иако ова се чини како невозможна мисија.

Александар-Арнолд за „Индипендент“ изјави дека сигурно ќе остане на „Енфилд“, и откри дека не размислува многу за Реал, и ако некогаш ги остави „Редсите“, тој повеќе би сакал да се преселил во Барселона.

„Мој омилен тим покрај Ливерпул е Барселона. Верувам дека го негуваат истиот фудбал како и во Ливерпул. Сите тука имаме исти верувања и сакаме да напредуваме се повеќе и со напорна работа да оствариме подобри резултати. Верувам дека тоа е филозофијата и во Барселона“, рече Александар-Арнолд.