Арсенал победи на тешкото гостување и продолжи да му бега на Сити

Арсенал победи со 1:0 на гостувањето кај Лестер во 25. коло од Премиер лигата и на тој начин привремено му побегна на Манчестер Сити со пет бода. Манчестер Сити во моментов гостува во Борнмаут. Арсенал победи со голот на Габриел Мартинели во 46. минута, по асистенцијата на Леандро Тросард.

Тросард имаше прекрасен поништен гол во 26. минута по прекршокот на Бенџамин Вајт во нападот, но Арсенал на крајот успеа да постигне гол за да ја обезбеди втората последователна првенствена победа. Во следното коло Арсенал го пречекува Евертон, а Лестер гостува кај Саутемптон.