Артета најде фудбалер по свој вкус во Реал?

Челниците на Арсенал покажаа интерес да ги донесат „бисерите“ на Реал Мадрид, пренесуваат британските медиуми.

Топџиите се познати по тоа што претпочитаат помлади фудбалери, а еден од оние кои се по вкусот на Микел Артета е Цезар Гелаберт од Реал, кој сакаат да го доведат во своите редови во текот на летото.

Станува збор за 19-годишен играч од средниот ред, за кој Шпанците тврдат дека е идната sвезда, а го привлече вниманието на Артета на натпреварите во јуниорската Лига на шампиони против Тотенхем и Челзи.

Во Арсенал се надеваат дека Галаберт нема да го продолжи договорот што му истекува на крајот на сезоната и дека ќе може бесплатно да го донесат на „Емирати“, а доколку тоа се случи, тогаш ниту обештетувањето нема да биде проблем.

„Галаберт е играч по вкус на Артета“, пишуваат на Остров.

Арсенал не е единствениот во игра. Борусија Дортмунд и Лион сепак го имаат младиот фудбалер на радарот.