Атлетико за време на Светското првенство доби три понуди за Версајко

Хрватскиот фудбалер кој исто така игра и за Атлетико Мадрид Симе Версајко е на мета на три клуба, кои сакаат ова лето да го видат во своите редови.

Версајко зад себе има многу добра сезона во Атлетико Мадрид, а во моментов одлично игра на Мундијалот во Русија и сосема е логично дека за него се заинтересирани бројни клубови.

Според извештаите на медиумите во Шпанија и Италија, Атлетико е подготвен да го продаде, а Рома, Наполи и Интер се натпреваруваат да го донесат.

Сепак, Интер сака прво да го земе на позајмица со можност за откупување на договорот, а Атлетико, наводно, нема намера да се согласи со таа опција.

Значи, во играта може да останат Рома и Наполи кои го гледаат овој голем дефанзивен играч како идеална опција на десната страна во нивната одбрана.

Версајко играше за Динамо Загреб, Џенова и Сасуоло за време на неговата кариера, пред да стане член на Атлетико Мадрид летото 2016 година, за кој настапил на 35 натпревари во Ла Лига.