Барти ќе го пропушти УС Опен

Канбера, 30 јули 2020 (МИА) – Првиот рекет на светот, Ешли Барти, објави дека ќе го пропушти Грен слемот УС Опен. Причината за одлуката на австралиската тенисерка е пандемијата на коронавирус.

– Заедно со мојот тим решивме, да не летам во САД за да учествувам на УС Опен и на Мастерсот во Синсинати. Иако ми се допаѓаат двата турнира, ризикот од заразување на коронавирусот е сè уште преголем. Не се чувствувам пријатно да се изложувам себеси и мојот тим на оваа ситуација, изјави Барти за „Sportface“.

Во 2019 година, Барти стигна до четвртото коло на УС Опен. зс/