Без победникот на дербито на Ливерпул

Ливерпул, 17 октомври 2020 (МИА) – Дербито на 5. коло во англиската Премиер лига одиграно попладнево на „Гудисон парк“ меѓу домаќинот Евертон и градскиот ривал Ливерпул заврши нерешено 2:2.

Ливерпул два пати водеше со головите на Садио Мане во 3. и Мохамед Салах во 72. минута. Домаќините одговорија со точни удари на Мајкл Кин (19. минута) и Доминик Калверт-Лун (81).

Во 90. минута Евертон остана со десетмина по црвениот картон на Ричарлисон, Ливерпул постигна гол две минути подоцна, но судиите поради офсајд согледан со помош на ВАР го поништија погодокот.

По овој натпревар, Ливерпул со 10 бода е на второто место во поредокот, Евертон со 13 бода е лидер на табелата. зс/