Бизарна ситуација во Италија, Интер излезе на теренот на Болоња, домаќинот никаде го нема

Коронавирусот им направи огромни проблеми на неколку клубови од Серија А, поради што нема да се одиграат неколку натпревари.

Меѓу најзагрозените е Болоња, која доби наредба да биде изолирана од локалниот кризен штаб (АСЛ), поради што нема да се одигра натпреварот со Интер.

Но, главниот проблем во Италија е лошата комуникација меѓу кризниот штаб и Серија А, која нареди да се игра натпреварот, па екипите се обврзани да се појават на стадионот.

Така на стадионот Дал’Ара пристигнаа официјалните лица на натпреварот и експедицијата на Интер. Гостите исто така се загреваа и ќе чекаат 45 минути од натпреварот, по што ќе се слушне последниот свиреж на судијата.

Од натпреварите планирани за денеска, уште нема да се одиграат натпреварите Аталанта – Торино, Салернитана – Венеција и Фиорентина – Удинезе.