Брендан Роџерс: Со понудените милиони, Њукасл не може да ја купи ни левата нога на Медисон

Њукасл тргна во офанзива за да го ангажира Џејмс Медисон од Лестер, а првичната понуда од 40 милиони фунти беше целосно одбиена, но се вели дека „Страчките“ се на работ да направат рекордна понуда од 50 милиони фунти.

Менаџерот на Лестер, Брендан Роџерс ги коментираше гласините, велејќи дека понудата на Њукасл не е доволна ниту за левата нога на Медисон.

„Во ред е, Џејмс Медисон е наш фудбалер. Видете, има голем интерес за нашите фудбалери бидејќи се големи таленти“, изјави Роџерс.

„Не сум јас тој што ја одредува цената на фудбалерите, но милионите што ги нуди Њукасл се доволни само за три четвртини од неговата лева нога. Џејмс Медисон е врвен фудбалер“, изјави и Брендан Роџерс.