Четири клуба го посакуваат Влаховиќ

Четири клуба сакаат да го привлечат Душан Влаховиќ и се подготвени да платат 80 милиони евра за неговите права, објавија италијанските медиуми.

Англиски Арсенал, Тотенхем, Манчестер Сити и шпански Атлетико Мадрид го посакуваат напаѓачот на Фиорентина, а Јувентус не може да одвои голема сума за трансферот на младиот српски репрезентативец.

Торинските бјанконери ќе се обидат да го ангажираат Мауро Икарди од Пари Сен Жермен или да го купат Единсон Кавани од Манчестер Јунајтед.

Во сезоната 2021-2022, Влаховиќ има 22 натпревари на сите турнири на Фиорентина, постигнувајќи 18 гола.