Погледнете како изгледа лицето на Лука Модриќ по судирот со Локатели, мораше да ја напушти играта (ВИДЕО)

Лука Модриќ натпреварот против Јувентус мораше да го напушти во 80. минута поради повреда на главата.

Играчот од средниот ред на Милан извлече подебел крај во синоќешното дерби со Јувентус (0:0), кога при крајот на натпреварот со глава се судри со капитенот на „Старата дама“, Мануел Локатели.

Luka Modrić não parecia bem depois do jogo, após ter tido um choque de cabeça…

Locatelli foi até ele e pediu desculpas 👏♥️ pic.twitter.com/pXS9pwlyiZ

— Portal Milan BR 🇧🇷🇮🇹 | Fan (@PortalMilanBR) April 26, 2026

На Локатели не му беше ништо, но Модриќ претрпе сериозен удар. Хрватот се заниша и падна, па набрзо мораше да биде заменет.

Модриќ веднаш стави мраз на местото на лицето каде што беше удрен, а на крајот од натпреварот му пријдоа и играчите на Јувентус. Кенан Јилдиз разговараше со него, додека Локатели го прегрнуваше и бакнуваше.

На лицето на Модриќ беше видлив подлив, односно оток под окото.

„Газета дело Спорт“ пишува дека Модриќ денес ќе помине детални лекарски прегледи за да се утврди тежината на повредата.