„Да бидам искрен, ова ми се случува прв пат“

Ливерпул вчера со голот на Мохамед Салах дојде до победа на гостувањето кај Хедерсфилд.

Играта на Редсите не беше на ниво, но сепак успеаа да остварат победа вредна три бода и да ја продолжат трката за врвот.

„Основата која засега ја направивме е брилијантна – 23 бодови. Мисалм дека никогаш претходно во кариерата немав толку после девет кола, а се уште постои простор за напредок“, рече менаџерот на Ливерпул Јирген Клоп по натпреварот.

„Не беше толку лошо, можеби е овој првиот период во мојот живот да добиваме просечни натпревари и тоа е вистина. Не можеме сега да пишуваме книги за тоа како да се освои трофејот, но постои само еден начин, а тоа се победите. До нив се стигнува на различен начин“, тврди Греманецот.

Ливерпул е втор на табелата и има 23 бодови, колку и лидерот Манчестер Сити, а во следното коло го пречекуваат Кардиф, а во среда ќе ги одмерат силите со Црвена Звезда во лигата на шампионите.