Connect with us

Фудбал

Дали навистина вреди 100 милиони евра? За 30 секунди упропасти се што можеше да се упропасти

Општиот впечаток е дека клубовите денес плаќаат многу повеќе за играчи отколку што всушност вредат.

Аурелиен Чоамени зад себе има многу импресивна сезона и привлече големо внимание од најбогатите клубови на денешницата.

За неговиот потпис меѓу другите се борат Реал Мадрид, Ливерпул и ПСЖ, а тој е најблиску до носење на дресот на новиот европски шампион.

Веќе во текот на неделата, еминентни европски медиуми објавија дека Реал се согласил да го доведе 22-годишниот фудбалер за сума од 100 милиони евра.

Чоамени моментално е на репрезентативен ангажман со Франција во Лигата на нации. Тој беше стартер во ремито против Австрија (1:1).

Младиот играч за врска не се прослави по својот настап бидејќи успеа да уништи се што можеше да се уништи на околу 30 секунди.

Имено, иако имаше чисти ситуации, Чоамени за половина минута успеа да загуби дури четири топки. Премногу за некој проценет на 100 милиони евра.

Талентираниот играч за врска можеби има оправдување со тоа што неговиот меч против Австрија беше 54. сезонава, но тоа не му помогна да не стане цел на потсмев на социјалните мрежи.