Ден по првиот трофеј со Интер Мајами, Дејвид и Викторија Бекам на одмор во Хрватска, еден ден ги чини вистинско богатство, барем за „обичните смртници“

Неколку дена по освојувањето на Лига купот, првиот трофеј во историјата на Интер Мајами, сопственикот на клубот Дејвид Бекам со семејството замина на одмор во Хрватска. Дејвид и Викторија минатата година летуваа на островот Лопуд и очигледно одлично се забавуваа, бидејќи и оваа година решија да го посетат ова прекрасно место на Јадранот. Бекамови во понеделникот пристигнаа од Мајами во Дубровник со приватен авион и веднаш се упатија кон нивната омилена дестинација – Лопуд.

Тоа е едно од најлуксузните места на хрватското приморје, каде за еднодневен престој е потребно вистинско богатство. Дејвид и Викторија се сместени во величествениот комплекс „Lopud 1483“, каде што имаат сопствено обезбедување за никој да не им пречи. Toa е поранешен француски манастир кој грофицата Франческа фон Хабсбург го обнови и на тој начин направи комбинација од музеј, елегантен хотел и духовно прибежиште на 21 век заедно со црква, камбанарија.. Во рамките на комплексот има и Света градина. Изнајмувањето на луксузен комплекс за еден ден чини 10.000 евра за десет лица, а цената на едно ноќевање е околу 1.500 евра.

Со дополнителните „ситници“ што ги користат, вклучително и јахтата, еден ден во Хрватска ги чини Бекамови околу 20.000 евра. За обичните смртници големо богатство, а за легендарниот фудбалер и неговата сакана – вистинска ситница. Давид и Викторија дојдоа во Хрватска со своите деца и неколку пријатели.