Дешам останува на чело на Франција до 2020 година

Претседателот на Француската фудбалска федерација Ноел Ле Грат изјави дека Дидие Дешам ќе остане на селекторското место до 2020 година.

– Не гледам причина за загриженост околу француската репрезентацијата на Мундијалот во Русија. Со Данска не одигравме совршен меч, но мораме да разбереме дека сите тимови сега напредуваат. Многу е тешко да се победува.

На СП сите селекции се силни. Најважно е дека сме во осминафиналето. Сосема е јасно дека Дидие Дешам ќе биде наш тренер до 2020 година, истакна првиот човек на францускиот фудбал.

Франција на 30 јуни од 16 часот против Аргентина ќе го игра првото осминафинале на Мундијалот во Русија.