Добри вести за Египет, Салах тренираше

Светското првенство започнува денес, а погледот на египетската јавност е фокусиран кон кампот на репрезентативниот тим, каде што чекаа информации за Мохамед Салах.

Најновите вести од Русија велат дека нивната најголема ѕвезда ќе биде подготвена за петок и натпревар против Уругвај.

Ѕвездата на Ливерпул се повреди во финалето од Лигата на Шампионите против Реал, кога со Серхио Рамос влезе во дуел.

Првично се очекуваше да го пропушти првиот натпревар на Мундијалот, но сега има добри вести за навивачите на Египет.

Салах вчера тренираше со полна пареа и може да се очекува дека од првата минута ќе влезе на теренот во дуелот против Уругвај.