Connect with us

Други спортови

Двојно повеќе спринтерски трки во Ф1 следната сезона!

Раководството на Формула 1 денеска ги објави имињата на шесте домаќини на спринтерски трки за следната сезона, а прв организатор ќе биде Азербејџан на крајот на април.

Покрај уличната патека во Баку (29 април), спринтерски трки ќе се одржат и во Австрија (1 јули), Белгија (29 јули), Катар (7 октомври), САД (21 октомври) и Сао Паоло (4 ноември). .

Патеките во Австрија и Бразил веќе организираа спринтерски трки, додека останатите четири земји за прв пат ќе бидат домаќини на овој формат.

Веќе е познато дека бројот на спринтерски трки ќе биде двојно зголемен во однос на овогодинешното натпреварување, а останатите правила ќе останат исти.

Спринт трките се одржуваат во сабота со должина од 100 километри и одлучуваат за стартните позиции пред главната трка. Исто така, најдобрите осум возачи во спринтот освојуваат поени.

Распоредот пред спринтерските трки ќе биде одлучен како и претходните квалификации одржани во петок.