Еден од најпознатите фудбалски менаџери роден во Тетово под истрага во Италија за сомнителни трансфери

Познатиот фудбалски менаџер Фали Рамадани се наоѓа под истрага на даночната полиција во Италија поради сомнителни трансфери, објавија локалните медиуми.

Рамадани се сомничи за перење пари и даночно затајување. Инаку, Фали Рамадани е роден во Тетово во 1969-та година и е сопственик на „Lian Sport Agency“ која ги застапува правата на професионалните фудбалери, пред се од балканските земји.

Поради сомнителни трансфери, финансиските инспектори и даночната полиција влегоа во девет прволигашки и два второлигашки клубови за да соберат документација за спорните трансфери, меѓу кои има неколку звучни имиња.

Весникот „Кориере дела Сера“ објави дека сомнителни се трансферите на Калиду Кулибали во Наполи, Федерико Киеза во Јувентус, Миралем Пјаниќ во Барселона и продолжувањето на договорот на Самир Хандановиќ со Интер. Како спорен се наведува и договорот на Маурицио Сари на клупата на Наполи.

RAMADANI INDAGATO PER RICICLAGGIO: LA GUARDIA DI FINANZA CHIEDE I DOCUMENTI A 11 CLUB, TRA CUI IL NAPOLI#Indagine #FaliRamadani #GuardiadiFinanza #richiesta #documenti #11club #Napolihttps://t.co/rdIUfhHeA0

— Napolicalcionews.it (@NCN_it) December 13, 2021