Екс претседателот на САД, Барак Обама купува НБА тим?!

Поранешниот претседател на САД, Барак Обама , со група инвеститори сакал да го купи НБА тимот Феникс. Ова беше откриено во подкастот на Бил Симонс, еден од најпознатите аналитичари на НБА кошарката. Поточно ова го откри Чарлс Баркли во оваа емисија.

-Слушнав дека Обама е вклучен во една од групите, поточно тој би бил „фронтменот“ кој ќе стои на чело на таа група, а инвеститорите кои имаат многу пари би биле многу среќни да го имаат на чело на групата, вели Баркли.

Баркли, ги предводеше „Санси“ до нивниот втор настап во НБА финалињата во 1992-1993 година и имаше просек од 26,6 поени 13,6 скока, 4,3 асистенции, 1,6 украдени топки и 1,1 блокада за време на тие плејофови.

Симонс и Баркли ја споменаа застрашувачката бројка од 4 милијарди долари што многумина очекуваат да биде евентуалната цена на Санс. Основачот на Амазон, Џеф Безос, поранешната сопруга на Безос и филантроп Мекензи Скот, како и основачот на Оракл, Лери Елисон, исто така се шпекулира дека имаат интерес.