Фудбал
Елиф Елмас поради позитивен тест неизвесен за мечот со Јувентус, позитивен е и Столе Димитриевски
Македонските репрезентативци Елиф Елмас и Столе Димитриевски се позитивни на коронавирусот. Двајцата втор пат се заразени со вирусот.
Елмас позитивен тест добил во Скопје, каде што престојува за празниците.
– Елиф Елмас е позитивен на коронавирус на тестирањето извршено во Македонија пред неговото враќање во Италија. Фудбалерот е вакциниран и нема симптоми, и ќе остане во изолација во својот дом, соопшти Наполи.
Поради позитивниот тест, Елмас е неизвесен за дербито со Јувентус, кое на програмата е 6-ти јануари.
? Eljif Elmas è risultato positivo al Covid-19 in seguito a un tampone molecolare effettuato in Macedonia nella serata di ieri prima del suo rientro in Italia. Il calciatore, regolarmente vaccinato, è asintomatico e osserverà il periodo di isolamento presso il proprio domicilio. pic.twitter.com/HJJ2wqXGiR
— Official SSC Napoli (@sscnapoli) December 30, 2021
И Столе Димитриевски празниците ќе ги мине во изолација. Тој е еден од фудбалерите на Рајо Ваљекано кои биле позитивни на вирусот. Шпанците пишуваат дека ситуацијата со коронавирусот во Рајо е сериозна.
Поради големиот број на заразени неизвесно е дали ќе се игра мечот Атлетико-Рајо на 2 јануари.
