Федерер донира 500.000 долари за жртвите во Украина

Поранешниот број еден во светот на тенисот и освојувач на 20 Грен слем титули, Роџер Федерер и неговото семејство ќе донираат половина милион долари за жртвите од војната во Украина.

Швајцарецот беше последниот од таканаречената голема тројка (заедно со Рафаел Надал и Новак Ѓоковиќ), кој не се изјасни против руските напади на европска територија. Надал во неколку наврати изјави дека сака мир, а Ѓоковиќ се понуди да му помогне на еден од украинските тенисери кои се пријавија во војска – Серхиј Стаховски.

Федерер ќе обезбеди средства преку својата фондација, а тие ќе одат да го поддржат враќањето на децата на училиште.

??? pic.twitter.com/HEwb5NGREu

— Roger Federer (@rogerfederer) March 18, 2022

„Моето семејство и јас сме ужаснати кога гледаме снимка од Украина. Нашите срца се скршени поради невините деца кои се погодени. Околу 6 милиони од нив моментално не се на училиште. Знаеме дека е тешко време за нив да имаат пристап до образование. Би сакале да им помогнеме да се справат со трауматичното искуство“, рече Федерер.

Тенисерот и неговата сопруга Мирка имаат 4 деца. И двете обезбедуваат средства за различни добротворни цели преку фондацијата.

Федерер нема играно на турнири од летото 2021 година, откако претрпе неколку операции на коленото. Се надева дека ќе се врати на теренот на Вимблдон.