ФИФА со љубопитно појаснување: Може да се надминат претходно најавените капацитети на стадионите

Претходно објавените капацитети на стадионот во Катар се само индикативни и може да бидат надминати. Ова го изјави Меѓународната фудбалска асоцијација (ФИФА) како одговор на тврдењата дека податоците од натпреварите се вештачки надуени.

Во првиот натпревар на Мундијалот се сретнаа домаќинот Катар и Еквадор. ФИФА објави дека во живо го следеле 67.732 луѓе, а претходно објавениот капацитет бил 60.000.

Бројот на поддржувачи исто така беше над капацитетот за Англија против Иран и подоцна во понеделникот за Сенегал против Холандија.

ФИФА прецизираше дека максималниот капацитет на „Ал-Бајт“ во Ел-Хауре е 68.895 луѓе. Калифа може да прими 45.857, Ал-Тимама – 44.400, Ахмад Бин Али – 45.032, Лусаил – 88.966, стадионот 974 – 44.089, Едукациски Сити – 44.667 и “Ел-Џенуб” – 44.32.

Првиот натпревар на турнирот денеска ги носи Аргентина против Саудиска Арабија.