ФОТО: Дали е можно судиите во Англија да не го видат ова?

Во шестото коло од англиската Премиер лига Арсенал на Емирати славеше сигурна победа над Евертон со 2:0, но овој натпревар ќе остане запамтен по вториот погодок кој Топчиите го постигнаа од офсајд.

Со погодоците на Александар Лаказет во 56. минута и Пиер Емерик Обамејанг во 59. минута од натпреварот, Топчиите ја запишаа својата четврта победа во Премиер лигата.

Во оваа победа на Арсенал немаше да има ништо спорно доколку го изоставиме вториот погодок кој очигледно беше постигнат од офсајд.

После контрата која ја започна Озил, Германецот ја проследи топката до Ремзи, кој со петта го проигра Обамејанг, кој ја затресе мрежата на гостите.

Останува нејасно како помошникот не го подигна знамето затоа што е повеќе од очигледно дека Обамејанг се наоѓаше во недозволена позиција.