ФОТО: Понижувањето на Барселона заврши, Куман конечно доби отказ

Кој стигне, се изнаигра против Барселона. Оваа сезона Каталонците беа под секое свое ниво. Лоши партии без ниту еден удар кон противнички гол беше нешто што не можеше да се замисли. Чашата ја прели вечерашниот пораз на гостувањето кај Рајо Валјекано со 1:0 за кој настапува нашиот голман Столе Димитриевски.

Барселона пред само неколку минути соопшти дека Роналд Куман не е повеќе тренер на тимот. Нема ниту потреба за објаснување на причините, бидејќи Барса го имаше еден од можеби најлошите периоди во историјата. Сепак, дали со разрешувањето на Куман ќе завршат сите проблеми, тешко е да се верува, со оглед на тоа дека тимот е во лоша финансиска ситуација.

FC Barcelona has relieved Ronald Koeman of his duties as first team coach

— FC Barcelona (@FCBarcelona) October 27, 2021