Франција ја победи Шпанија за прво место во групата!

Француските ракометари ја победија Шпанија со 28:26 во големото дерби од последното коло од групата 1 во втората фаза на Светското првенство.

Двете селекции се пласираа во четвртфиналето, а Франција го освои првото место во групата со сите 10 бода.

Директната борба за првата позиција беше жестока, а Французите се одлепија во самиот финиш.

Меј, Мем, Бриет и Ремили постигнаа по четири гола за победничката екипа. Кај Шпанците се издвојуваше Фернандез со седум гола.

Франција и Шпанија во четвртфиналето одат во Германија или Норвешка. Французите ќе се соочат со послабо рангираната селекција, а Шпанија ќе игра против првопласираната селекција. Утре се среќаваат Германија и Норвешка.