Фудбалот е игра во која Севиља секогаш го игра финалето на ЛЕ, сега пред нив е Мурињо (ВИДЕО)

Во реваншот од полуфиналето на ЛЕ, Севиља го совлада Јувентус на домашен терен по продолженијата со резултат 2:1 и со тоа ја осигура борбата за трофејот, откако првиот меч во Торино заврши нерешено (1:1).
Последна пречка до седмата титула во Лига Европа ќе биде Рома, предводена од клупата од Жозе Мурињо, кој знае и како да го освои овој трофеј. Кој и да слави на тој меч ќе прекине серија. Португалскиот стручњак не знае за порази во европските финалиња, додека Севиља има шест од шест во финалето на Лига Европа. Дуелот меѓу Рома и Севиља е закажан за 31 мај, а ќе се игра на „Пушкаш арената“ во Будимпешта.