Италија ја бара првата историска победа над Англија во Шест нации

Рагби репрезентацијата на Италија ја пречекува Англија во вториот натпревар од Шест нации. Натпреварот е денеска на стадионот „Олимпико“ во Рим.

„Розите“ во мечот излегуваат како апсолутен фаворит. Досега, Италија нема ниту една победа против Англија во нивните 28 меѓусебни натпревари.

Ривалството меѓу двата тима започна во далечната 1991 година, кога Италијанците загубија со 6:36.

Англија во моментов го зазема претпоследното место во трката со еден бод од еден натпревар, додека Италијанците се единствената селекција без освоен актив.

Лидер на рангирањето е Франција, чија селекција веќе има девет бодови, а по неа следат Ирска (6), Шкотска (5) и Велс (4).