Италијански фудбалер почина среде меморијален натпревар во чест на неговиот брат

Италијанскиот фудбалер Џузепе Перино починал синоќа играјќи натпревар што бил организиран во спомен на неговиот покоен брат.

Како тинејџер, Перино бил кратко време член на Парма, но поголемиот дел од својата кариера ја поминал во пониските лиги. Тој имал 29 години.

Натпреварот се играл во Поџомарино во близина на Неапол во чест на братот на Перино, Рока, кој загинал во велосипедска несреќа пред три години.

За време на натпреварот, Перино се онесвестил, а неговото тело било пренесено во мртовечницата, каде било утврдено дека причина за смртта е срцев удар.