Италијанците сакаат да го продолжат шампионатот без навивачи на трибините

Седум лица загинаа, а повеќе од 220 се заразени со коронавирус во Ломбардија и Венето, поради што италијанската влада презема сериозни мерки за да спречи ширење на инфекцијата.

Претседателот на Италијанската фудбалска федерација, Габриеле Гравина во понеделникот изјави дека федерацијата е подготвена да го продолжи шампионатот игра без навивачи на трибините, ако властите му дозволат.

Минатиот викенд, четири натпревари во Серија А беа одложени, создавајќи големи проблеми со календарот за натпревари, поради недостаток на резервни датуми.

„Натпреварувањето во нашата Серија А може да продолжи уште следниот викенд без навивачи на стадионите“, рече Гравина.

Гравина додаде дека очекува возвратниот натпревар од Лигата на Европа помеѓу Интер и Лудогорец да се одигра в четврток, во Милано без навивачи. Натпреварот во Лигата на шампионите меѓу Наполи и Барселона треба да се одигра без никакви ограничувања бидејќи Неапол е оддалечен неколку стотици километри од регионите погодени од наездата.