Ивана Нол го испровоцира Нејмар откако Бразил отпадна од СП

Најпопиуларната хрватска навивачка Ивана Кнол го испровоцира бразилскиот фудбалер Нејмар по мечот со Хрватска во кој Ватрените со подобро изведување на пенали победија.

Нејмар постигна гол за водство на Бразил во судиското продолжение, но Бруно Петковиќ набргу потоа израмни и ја одведе Хрватска во уште едно престрелка, втора во низа на овој Мундијал. Бразилецот мечот го заврши во солзи, а згора на се, Нол во изјава за српски Телеграф му упати провокација.

“Натпреварот беше тензичен колку што очекував да биде. Очекував дека ќе одиме на пенали, а ние сме мајстори за пенали. Така Бразил си оди дома, а ние одиме во полуфинале. И му посакувам среќа на Нејмар во следното првенство“, рече хрватската навивачка и прогнозираше дека Хрватска во полуфиналето ќе игра против Аргентина и ќе го добие натпреварот.