Изгледаше како меѓу деца, атлетичарка која фрла ѓуле, доби шанса да се трка на 100 метри со пречки, трката ја заврши со голема насмевка (ВИДЕО)

Белгиската спортистка во фрлање ѓуле Жолиен Бумкво стана вистинска ѕвезда на Европското екипно првенство во атлетика кое минатиот месец се одржуваше во Хорзов, Полска.

Имено, Жолиен се појави на стартот на трката на 100 метри со пречки и веднаш привлече внимание бидејќи беше за глава повисока и значително поголема од конкурентките. Сепак, со насмевка на лицето, таа поминуваше една по една пречка и ја минуваше целта 20 секунди по победникот.

Every point *does* count at the European Team Championships!

Seventh in the shot put, Jolien Boumkwo 🇧🇪 steps in for the 100m hurdles at the very last minute in #Silesia2023! 👏 #EG2023

(@TeamBelgium, @The_EOC) pic.twitter.com/3rhERw9y5I

— European Athletics (@EuroAthletics) June 24, 2023

Жолиен претходно заврши седма во фрлање ѓуле, а потоа дојде како изненадувачка замена во сосема поинаков настан. Проблемот настанал бидејќи нејзината сонародничка морала да се повлече поради повреда.

Белгија немаше да добие ниту еден бод на овој настан за вкупниот натпревар, доколку никој не трчаше.

Жолиен на тој начин освои важен бод за Белгија со својот настап и последното место.