Израелската тениска асоцијација упати протест до ВТА откако тенисерка ја поддржа Палестина

Тениската асоцијација на Израел испрати приговор до Женската тениска асоцијација (ВТА) ​​против Тунижанката Онс Жабер по изјавата за поддршка на Палестина.

Жабер која е на 7.место на ВТА ранг-листата, преку социјалните мрежи порача дека не поддржува насилство и е против оние кои одзедоа територија од Палестинците.

Израелската тениска асоцијација верува дека Жабер со своите зборови „поттикнува агресија“.

Ноќта на 7 октомври, Израел беше нападнат со ракети од Појасот Газа. Палестинското исламистичко движење Хамас најави почеток на непријателствата. Како одговор, израелските власти започнаа воена операција и го мобилизираа воениот резервен состав.