Каков гест на Лука Дончиќ, се понудил да ги плати трошоците за погребот на жртвите во масакрот кој го стори 14-годишникот во училиште во Белград

Кошаркарот на Далас Маверикс и словенечки репрезентативец  Лука Дончиќ се понудил да ги плати трошоците за погреб на жртвите од трагедијата што се случи во средата во Белград, во која 14-годишно момче уби осум свои врсници и член на обезбедувањето на ОУ „Владислав Рибникар“.

Дончиќ преку својата Фондација ќе ги плати и трошоците за психолошко советувалиште за семејствата и пријателите на починатите како и за вработените во училиштето.

„Моето срце е скршено од трагичното пукање во Србија и изгубените животи, вклучително и оние на невините деца. Моите мисли се со семејствата и општеството погодени од оваа трагедија. Преку мојата Фондација барам начин итно, но и долгорочно да им помогнам на учениците, училиштето и семејствата погодени од трагедијата во ОУ „Владислав Рибникар“. На тоа сум посветен, повеќе информации за можностите за помош ќе дадам кога ќе станат достапни“, се вели во изјавата на Дончиќ.

After the mass school shooting that included the murder of eight children and a security guard at a Belgrade school, Dallas star Luka Doncic has committed to pay for those funeral services and grief counseling for classmates and staff: https://t.co/KKG4tcpCvk

— Adrian Wojnarowski (@wojespn) May 4, 2023