Кари постигна 3 000 тројки, прв во историјата на НБА

Најдобриот кошаркар на Голден стејт, Стеф Кари, стана првиот играч во историјата на НБА кој постигнал 3 000 тројки.

Кари до рекордот дојде на натпревар против Денвер одигран ноќеска во Сан Франциско. Тој реализира пет тројки од 14 обиди.

Исто така, 33-годишниот Американец ја повтори рекордната серија по бројот на натпревари во низа со барем една прецизна тројка (157).

Кари е сопственик на рекордот за најмногу погодени тројки во историјата на НБА. На 15 декември тој  го собори рекордот што му припаѓаше на Реј Ален (2973).