Ќе има ли нова рунда на атомски фудбал, Баерн Минхен против Реал Мадрид, кој ќе се радува?

Се уште се свежи сеќавањата од двете супер пресметки во четвртфиналето помеѓу Реал Мадрид и Манчестер Сити и Барселона против ПСЖ. Имавме можност да погледнеме четири фантастични натпревари помеѓу овие две екипи, секако сметајќи ги и првите мечеви и реваншите, исполнети со голови и возбудувања.

А, тие возбудувања во ЛШ се враќаат вечерва. Почнуваат полуфиналните пресметки. Вечерва на програмата е дуелот помеѓу Баерн Минхен и Реал Мадрид. Овие две екипи се сретнале во ЛШ 16-пати, осум победи има Реал, а седум Баерн Минхен. Еден меч завршил нерешено. Ниту една пресметка не завршила со резултат 0:0. Ова доволно говори каков дуел треба да очекуваме вечерва. Кај Реал Мадрид ќе ги нема Карвахал поради картони и Алаба поради повреда, додека кај Баерн Минхен листата е нешто подолга, а таму се наоѓаат Бучман, Коман, Марушиќ, Сар и Де Лихт.