Кер: Династијата Булс заврши 98 година со причина, се собра многу замор

Чикаго, 20 октомври 2020 (МИА) – Поранешниот дефанзивец на Чикаго булс, а сега главен тренер на Голден Стејт, Стив Кер, објасни зошто легендарната династија Булс заврши по сезоната 97/98.

• Знаевме дека готово е. Доживеавме толку силен емоционален стрес што луѓето не го разбираат. Кога еден тим ќе изгуби залет, енергија и мотивација, тоа е готово. Многу луѓе прашуваат што ќе се случеше ако се вративме, дали ќе освоевме осум титули по ред ако Мајкл Џордан не одеше во бејзбол. Беше невозможно. Сè заврши не без причина, се собра многу замор. Мораше да заврши, изјави Кер за „Essential Sports“.

Чикаго булс во ерата на Мајкл Џордан доминираше во НБА лигата освојувајќи шест шампионски титули од 1991 до 1998 година. зс/