Колосални загуби за европскиот фудбал

Европскиот фудбал бележи колосални загуби во последните две сезони, поради пандемијата на коронавирус. Клубовите од Стариот континент загубиле 7 милијарди евра, покажа студијата на УЕФА.

Најголемите загуби беа предизвикани од празните стадиони, при што приходите од билети паднаа за импресивни 88% во сезоната 2020/2021. Огромен пад од 40 бележат и приходите од трансфери. Приходите од спонзорски договори паднаа за 1,7 милијарди евра.

Истражувањето на УЕФА е спроведено меѓу 724 клубови од 54 европски првенства.