Кутињо: Напишав одлична приказна во Ливерпул, тешко е да се каже што тргна наопаку во Барселона

Фудбалерот од средниот ред на Астон Вила, Филипе Кутињо ги сподели своите спомени од времето поминато во Ливерпул.

„Напишав одлична приказна во Ливерпул, таму бев среќен. Сега почнувам да пишувам приказна со Астон Вила. Среќен сум што ќе можам повторно да играм во Премиер лигата“, изјави Кутињо за Глобо Еспорте.

Philippe Coutinho:

"I have a beautiful story at Liverpool, I was happy there, now I’m starting to write a story at Aston Villa. I’m happy that once again I’m able to play well in England, as I’ve played in Italy, Spain and Germany." #awlive [sport witness] pic.twitter.com/4Ki90bI4AI

— Anfield Watch (@AnfieldWatch) March 23, 2022

Бразилецот одговори и на прашањето што го спречи да се наметне во Барселона.

„Тешко е да се каже што тргна наопаку во Барселона. Стабилноста и стилот на мојата игра може да бидат различни. Но, јас сум му благодарен на клубот за довербата, секогаш ќе го почитувам многу“, додаде тој.

29-годишниот Бразилец постигна 4 гола и асистираше на 3 во 10 натпревари во Премиер лигата за Астон Вила оваа сезона.