Легендарниот Французин: „Кикирики“ репрезентации како Македонија, Косово, Албанија, Црна Гора никогаш не треба да ги гледаме!

На ЕУРО 2024 ќе гледаме 24 селекции. Заедно со големите фудбалски сили како Франција, Шпанија, Германија, Англија, Италија и Хрватска ќе имаме и неколку аутсајдери, а токму тие ги споменува легендарниот француски фудбалер Кристоф Дугари.

Рекордната победа на Франција над Гибралтар од 14:0 го принуди Дугари да зборува критички за одредени репрезентации, а ги спомена, Македонија, Албанија и Косово.

„Тоа е натпревар што ќе остане во книгите, но останува анегдота. Тоа е рекорд, но анегдотски рекорд. Тогаш, инсистирам и потпишувам, сите овие натпревари од „кикирики“ репрезентации немаат никаква корист, само ги заморуваат момците, а некои се повредуваат, рече Дугари.

„Уморен сум од гледање на овие натпревари од „кикирики“ репрезентации. Гледав Франција-Гибралтар бидејќи тоа е моја работа, но има многу селекции кои немаат врска со овие квалификации за ЕП“.

„Гледам натпревар по натпревар на земји како Грузија, Естонија, Азербејџан, Црна Гора, Литванија, Словенија, Казахстан, Сан Марино, Молдавија, Албанија, Малта, Македонија… Сите овие тимови се бескорисни. Косово, Андора, Ерменија… никогаш не треба да ги гледаме!“, изјави Французинот.